Պեղումներ Կիլիկիայի Սիլիֆքե ամրոցում

Կիլիկիայի Սիլիֆքե ամրոցում պեղումներ են իրականացվում: Այդ մասին հաղորդում է թուրքական «Անադոլու» լրատվական գործակալությունը:

Աղբյուրի փոխանցմամբ` աշխատանքներին տեղում ծանոթանալու նպատակով ամրոց են այցելել Արդարություն և զարգացում կուսակցության ներկայացուցիչ Նեբի Բոզքուրթը, Ժողովրդա-հանրապետական կուսակցության պատգամվոր Ալի Ռազը Օզթյուրքը, Սիլիֆքեի գավառապետ Ֆաթիհ Դամաթլարը, Սիլիֆքեի փոխքաղաքապետ Գանի Ջոշքունը և այլ պաշտոնատար անձինք:

Պատգամավոր Բոզքուրթը, պեղումների աշխատանքներին ծանոթանալուց հետո պատասխանելով լրագրողների հարցերին, հայտնել է, որ Սիլիֆքե ամրոցում իրականացվող այս պեղումների նպատակն է ամրոցի պատմության բացահայտումը: Բոզքուրթը նշելով, թե Սիլիֆքե ամրոցը եղել է դարաշրջանի ամենանշանավոր կառույցներից մեկը, ընդգծել է, որ իր հնարավորությունների սահմաններում կանի ամեն ինչ` կատարվող աշխատանքներին աջակցելու համար:

Պեղումները ղեկավարող Բորանն իր հերթին, լրագրողներին տեղեկություններ հաղորդելով այս պատմական բերդի մասին, հայտնել է, որ Սելևկյանների օրոք կառուցված սույն ամրոցը վերանորոգվել է 1190 թ., երբ ընդգրկվել է Կիլիկիայի հայկական իշխանության տիրույթներում:

Akunq.net

Leave a Reply

Your email address will not be published. Required fields are marked *