Արցախի պատճառով Նախիջեւանի ինքնավարութիւնը խլելու կոչ

ԵՐԵՒԱՆ, «Արմէնփրէս».- Ատրպէյճանի Ժողովրդավարական կուսակցութեան ղեկավար Սարտար Ճալալօղլու խստօրէն քննադատած է Նախիջեւանի կրթութեան եւ մաքսային կառոյցները ինքնավար հանրապետութեան Գերագոյն խորհուրդին յանձնելու նախաձեռնութիւնը, եւ յայտարարած է, թէ նման ջանքեր վնաս կը հասցնեն Ատրպէյճանի շահերուն եւ թէ «նման նախաձեռնութիւններ հող կը պատրաստեն Լեռնային Ղարաբաղի տարածաշրջանին տրուելիք կարգավիճակին համար»:

«Այս մէկը շատ վտանգաւոր եւ անջատողական գործողութիւն է: Ատրպէյճան պէտք է կառավարուի մէկ կեդրոնէ: Նախիջեւանը պէտք է կառավարուի այնպէս, ինչպէս Ատրպէյճանի որեւէ շրջան: Նախիջեւանին տրուած կարգավիճակը պէտք է վերացուի եւ տարածաշրջանը կառավարուի այնպէս, ինչպէս միւս շրջանները», ըսած է ան:

Նախիջեւանի ինքնավար հանրապետութիւնը նախկին Խորհրդային Միութեան եւ Թուրքիոյ հովանիին տակ ապօրինաբար ստեղծուած է 1924ին: Ինչպէս Լեռնային Ղարաբաղը, հայկական Նախիջեւանը նոյնպէս անցեալ դարասկիզբին ընդգրկուած էր Ատրպէյճանի կազմէն ներս:

http://asbarez.com/arm/133521/

Leave a Reply

Your email address will not be published. Required fields are marked *