Սևակ Շահին Բալըքչըի սպանության գործով դատական հերթական նիստն է տեղի ունեցել

Դիարբեքիրի 2-րդ ռազմական դատարանում տեղի է ունեցել 2011թ. ապրիլի 24–ին թուրքական բանակում սպանված հայազգի 25–ամյա Սևակ Շահին Բալըքչըի գործով դատական հերթական նիստը, որը տևել է մոտ 3 ժամ:

Ցուցմունք են տվել Բաթմանի Քոզլուք շրջանի ժանդարմերիայի զորամասում այդ օրը հերթապահություն իրականացնող 18 մարդ և Սևակին հիվանդանոց տեղափոխած վարորդը:

«Նույն զորամասում ծառայող Քվանչ Աղաղօղլուի ձեռքը զենք կար, իսկ մենք 150 մետր հեռավորության վրա, հերթապահի սենյակում թեյ էինք խմում: Երբ զենքի ձայն լսեցինք, հասկացանք, որ ինչ-որ բան է կատարվում: Զինվորների կողմ նայեցինք և տեսանք` ինչպես Սևակն ընկավ: Երբ հասանք նրանց մոտ, Աղաօղլուն ծնկներին խփելով` լալիս էր: Նրանց հեռավորությունը 3 մետր էր, իսկ զենքը Սևակի գրկում էր: Առաջին օգնությունից հետո Սևակին մի մեքենա նստեցրինք, որ հիվանդանոց տեղափոխենք, սակայն Քոզլուքից 20 կմ հեռավորության վրա Սևակը մահացավ»,- գրեթե նույն ցուցմունքն են տվել բոլորը:

Նիստին ներկա է եղել նաև Բալըքչը ընտանիքի փաստաբան Իսմայիլ Ջեմ Հալավուրթը, ով նշել է, որ այդ ցուցմունքները շատ կարևոր են: «Ցուցմունքներում հակասություններ կան, սակայն նիստը լավ անցավ»,- ասել է նա:

http://tert.am/am/news/2012/06/07/sevak-balikchi/

Leave a Reply

Your email address will not be published.