ՄԱՄԼՈ ՀԱՂՈՐԴԱԳՐՈԻԹՅՈՒՆ. Բեռլինում Թուրքիայի դեսպանը չի հանդիպել Գերմանահայոց կենտրոնական խորհրդի հետ

Հարգելի հայրենակիցներ, Այս օրերին թուրքական և հայկական մի քանի լրատվամիջոցներ հաղորդագրություններ և տեսագրություններ տարածեցին, որ սույն թվականի մայիսի 30-ին Գերմանիայի Դաշնային Հանրապետությունում Թուրքիայի Հանրապետության արտակարգ և լիազոր դեսպան Հյուսեին Ավին Կարսլիօղլուն այցելել է Քյոլնում գործող հայ առաջնորդանիստ եկեղեցի և այնտեղ հանդիպել Հայ Առաքելական Եկեղեցու Գերմանիայի թեմի առաջնորդ Գարեգին արքեպիսկոպոս Բեկչյանին ու տեղի հայկական համայնքի ներկայացուցիչներին, արժանացել ջերմ հյուրասիրության:

Գերմանահայոց Կենտրոնական Խորհրդի վարչությունը հայտնում է, որ սույն հանդիպման մասին տեղյակ չեն եղել և այս հանդիպմանը չեն մասնակցել ոչ խորհրդի վարչությունը, ոչ խորհրդի կառույցները` 12 հայկական համայքներ, կազմակերպություններ ու միություններ և ոչ էլ խորհրդին անդամակցող անհատ անդամները:

ՈՒստի Գերմանիայում թուրք դեսպանի Հայ Առաքելական եկեղեցու Գերմանահայոց թեմի Առաջնորդարան այցելության նպատակների և հանդիպման մասին Գերմանահայոց Կենտրոնական Խորհրդի վարչությունը որևէ տեղեկություն տալ չի կարող: Այս հարցով հետաքրքրվողներին խնդրում ենք ուղիղ դիմել Գերմանահայոց թեմի Առաջնորդարան:

Հարգանքներով`

Գերմանահայոց Կենտրոնական Խորհրդի վարչություն

Մայնի Ֆրանկֆուրտ

http://haynews.am/hy/1338575562

Leave a Reply

Your email address will not be published. Required fields are marked *