Ամառային արձակուրդներին Արևմտյան Հայաստան այցելող հայ ուխտավորների թիվն ավելանում է: Ուխտավորների 11 հոգանոց մի խումբ էլ, դեռ ամառ չեկած, Վրաստանից անցել է սահմանը և ուղևորվել հայրենյաց երկիր:

«Ակօս» շաբաթաթերթի հաղորդմամբ` խմբի անունից հարցազրույց է տվել Միհրան Մաղաքյանը, ով նշել է. «Մենք նախատեսում ենք բարձրանալ Արարատ, մի քանի օր էլ մնալ Վանում ու Մուշում, որոնք մեր պապերի հողերն ենք համարում»: Միհրան Մաղաքյանը «Ակօսին» նաև հայտնել է, որ իրենց նկատմամբ որևէ բացասական վերաբերմունք չի դրսևորվել:

Ուխտավորների խմբի անդամները շեշտել են, որ խիստ հուզված են Արարատ լեռն ու Վանում գտնվող Աղթամար եկեղեցին մոտիկից տեսնելու գաղափարից: Նրանք Վրաստանում անցել են Սարպիի սահմանադուռը և Արդվինով, Արդահանով ու Կարսով անցնելուց հետո հասել Իգդիր: Մաղաքյանը նաև հաղորդել է, որ հատկապես ադրբեջանցիներով բնակեցված նահանգներում աշխատում են երկար չմնալ և 3-4 ժամ շրջելուց հետո հեռանում:

Akunq.net