Եվրոխորհրդարանի ղեկավարը քննադատել է Թուրքիային

Աշխատանքային այցով Անկարայում գտնվող Եվրախորհրդարանի ղեկավար Մարտին Շուլցը քննադատել է Թուրքիային` դեմոկրատիայի ցած մակարդակ ունենալու համար:

Ինչպես հաղորդում է «Արմենպրես»ը` վկայակոչելով թուրքական «Ջիհան» լրատվական գործակալությունը, Եվրոխորհրդարանի ղեկավարը Անկարայում հանդիպել է Թուրքիայի նախագահի, խորհրդարանի խոսնակի, ԵՄ հարցերով նախարարի եւ գլխավոր ընդդիմադիր կուսակցությունների առաջնորդների հետ:

Ըստ գործակալության` հիմնական ընդդիմադիր Ժողովրդահանրապետական կուսակցության առաջնորդ Քեմալ Քըլըչդարօղլուի հետ հանդիպման ժամանակ Շուլցն ասել է, որ ԵՄ ցանկացած հարթակում նշվում է, որ Թուրքիայում ժողովրդավարությունը վտանգված է: «Իշխանության գալու սկզբնական շրջանում Թուրքիայի վարչապետ Ռեջեփ Թայիփ Էրդողանի գլխավորած կուսակցությունը ժողովրդավարության բարելավման ուղղությամբ մի շարք քայլեր է ձեռնարկել, սակայն ներկայում այդ գործընթացը սառեցված է: Եթե Եվրոպական Միությանն անդամակցել ձգտող որեւէ այլ երկիր 8 ձերբակալված լրագրող ունենար, ապա միակողմանի կդադարեցներ ԵՄ անդամակցության բանակցությունները, եւ ԵՄ հետ հարաբերությունները կսառեցվեին», -նկատել է տվել Եվրոխորհրդարանի նախագահը:

http://armenpress.am/arm/news/692838/evrakhorhrdarani-xekavary—-qnnadatel-e-turqiayin.html

Leave a Reply

Your email address will not be published.