Ասորիների արդարացի հողային պահանջները թուրքերը Մեծ Ասորեստան ստեղծել են հասկանում

Թուրք հասարակության մեջ բնիկ ժողովուրդների նկատմամբ վախն ու անվստահությունն արդեն պարանոյիկ բնույթ ունի: Մարդինի Միդյաթ գավառում գտնվող Մոր Գաբրիել ասորական վանքին պատկանող հողատարածքի մի մասի զավթումը հարևան համայնքների կողմից առիթ է դարձել, որ ասորական եկեղեցին պահանջի իր եկեղեցապատկան հողերը` դատական կարգով:

Հարցն այն է , որ կադաստրի կողմից հաստատված եկեղեցապատկան հողերի սեփականության վկայականները գտնվում են եկեղեցու մոտ, սակայն հողերը զավթած համայնքները ևս ստացել են սեփականության վկայականներ: Այժմ ասորական եկեղեցին պատրաստ է իրեն պատկանող հողերի վերադարձի համար անգամ փոխհատուցում տալ:

Դատական գործերն այնքան աղմկահարույց են, որ դրնաք գտնվում են եվրոպական իրավապաշտպան կազմակերպությունների ուշադրության կենտրոնում: Առայժմ եկեղեցուն հաջողվել է մեկ դատ շահել և ընդամենը 200 հեկտար հող վերադարձնել:

Թուրք հասարակությունը և լրատվամիջոցները սկսել են շահարկել ասորական եկեղեցու կողմից հողի պահանջը. թուրքական ազգայնական մամուլը աղմուկ է բարձրացնում, որ եվրոպական երկրներում բնակվող ասորիները հողի առք ու վաճառքի ճանապարհով փորձում են Մեծ Ասորեստան ստեղծել: Անգամ հիշատակում են, թե ինչպես հրեաներն այդ ճանապարհով Պաղեստինում պետություն ստեղծեցին:

Մինչև 1915-ը Օսմանյան կայսրությունում ապարում էին շուրջ 2 մլն ասորիներ: Այսօր տարբեր տվյալներով Թուրքիայում բնակվում են 15-ից մինչև 25 հազար ասորիներ: Իսկ Մարդինում մնացել է ընդամենը 200 ասորի ընտանիք:

Որքան մեծ պետք է լինի թուրք հասարակության վախը բնիկ ժողովուրդներից, որ մի քանի հարյուր հեկտար հողը և 200 ընտանիքը նրանց աչքին Մեծ Ասորեստան երևան:

Եվ սա է թուրքերի պատկերացրած Մեծ Ասորեստանի համար առկա ներուժը: Սակայն ասորիներն առաջինը չեն, որ մեղադրվում են մեծ պետություն ստեղծելու մեջ: Երբ վերանորոգվեց Աղթամարի Սրբ Խաչ եկեղեցին, իսկ Վանի գործարարների մեջ հույսեր արթնացան, որ սփյոռքահայ գործարարները կարող են ներդրումներ կատարել Վան քաղաքում, իսկույն թուրք ազգայնականերն աղմուկ բարձրացրին:

Մամուլը գրեց , որ հայերն ուզում են գնել ողջ Վանը և Մեծ Հայաստան ստեղծել: Հիմա Վանը եկրաշարժից հետո այնպիսի վիճակում է, որ նույնիսկ Թուրքիայի կառավարության ներուժը չի բավարարում այն լիովին վերականգնելու համար:  

Armweeklynews 

Leave a Reply

Your email address will not be published.