Թուրքիայում մտահոգիչ են մամուլի ազատությունը, դատական համակարգն ու կանանց հանդեպ բռնությունները. ԱՄՆ պետդեպ

ԱՄՆ-ի պետդեպարտամենտի 2011-ի մարդու իրավունքների զեկույցում նշվում է, որ Թուրքիայում խնդիրներ կան արդարադատության համակարգում, խոսքի և մամուլի ազատության ոլորտներում:

«Թուրքիայում ահաբեկչության և պետությանն ուղղված սպառնալիքների դեմ պայքարի շրջանակներում իրականացվող քաղաքական ճնշումները, ձերբակալությունները և դատավարությունների անբավարար թափանցիկությունը, գործող իրավական համակարգը, արդարադատության հաստատումը դժվար հասանելի է դարձնում»,-ասված է զեկույցում:

ԱՄՆ պետդեպարտամենտը ուշադրություն է հրավիրել նախնական կալանքի ժամկետի ու մեղադրական եզրակացության պատրաստման միջև ընկած ժամանակահատվածի երկարության, դատավորների և դատախազների միջև առկա սերտ կապի վրա:

Զեկույցում ասվում է, որ երկրի Քրեական օրենսգիրքը և ահաբեկչության դեմ պայքարի օրենքը սահմանափակում է մամուլի ազատությունը և հնարավորություն ստեղծում լրագրողներին, գրողներին, քուրդ մտավորականներին և քաղաքական ակցիաներ կազմակերպող անձանց ձերբակալելու համար:

Նշվում է, որ 2011-ի վերջի տվյալներով` Թուրքիայում նման անձանց թիվը անցնում է 100-ի սահմանը, ինչը ստիպում է լրատվամիջոցներին, գրողներին, լրագրողներին ու մտավորականներին գրաքննել սեփական նյութերը` դրանք հրապարակելուց առաջ:

Կանայք, երեխաներն ու միասեռականները հաճախ խտրական վերաբերմունքի և բռնության են ենթարկվում: Հատկապես կանանց հանդեպ շարունակվող բռնությունները, բռնաբարության դեպքերը շարունակում են լուրջ վտանգ հանդիսանալ: Մտահոգիչ են նաև մանկահասակ տարիքում ամուսնությունների թիվը, որ որոնք կանխել դեռևս չի հաջողվում:

http://tert.am/am/news/2012/05/25/turkey-report-usa/

Leave a Reply

Your email address will not be published. Required fields are marked *