Հայերին ուղղված կոչ` Բայդեմիրի կողմից.«Վերադարձե’ք ձեր հողերը»

Անատոլիայի հայերի երաժշտության վերաբերյալ իր աշխատանքներով հայտնի արվեստի գործիչ Մուստաֆա Իլհանը Դիարբեքիրում հանդիսատեսին ներկայացրեց իր ստեղծագործությունները: Միջոցառմանը մասնակից Դիարբեքիրի քաղաքապետ Օսման Բայդեմիրը հիշելով, որ անցյալում Դիարբեքիրում հայ բնակչությունը նշանակալի մաս էր կազմում, հետևյալն ասաց այդ կապակցությամբ. «Ես մի խնդրանք ունեմ ձեզ (հայերին) ուղղված. խնդրում եմ` վերադարձեք ձեր հողերը»:

Անատոլիայի հայերի երաժշտության մասին աշխատանքներ կատարած արվեստագետ Մուստաֆա Իլհանն ունկնդիրներին ներկայացրեց «Արգելված սերենադ» վերնագրի տակ մեկտեղած իր ստեղծագործությունները: Դիարբեքիրի Արվեստի կենտրոնում տեղի ունեցած միջոցառմանը մասնակցեց նաև Դիարբեքիրի քաղաքապետ Օսման Բայդեմիրը: Հանդիսատեսները խիստ զգացվեցին ցուցադրված այն պատկերներից, որոնք ուղեկցվում էին Հրանտ Դինքի հետևյալ խոսքերով. «Այո’, մենք աչք ունենք այս հողերի վրա, բայց ոչ թե որպեսզի շալակենք ու տանենք դրանք, այլ որ այս հողերի տա’կը մտնենք»: Անցյալ տարի վախճանված հայկական և քրդական երգերի կատարող Արամ Տիգրանի պատկերող տեսանյութը Դիարբեքիրի փառատոնում ներկայացվեց «Փիր է ստրանան» («Քրդական ժողովրդական երգերի հիմնադիր») վերնագրով:

Այնուհետև բեմ հրավիրված Դիարբեքիրի քաղաքապետ Օսման Բայդեմիրը հիշելով, որ անցյալում Դիարբեքիրում հայ բնակչությունը նշանակալի մաս էր կազմում, հանդես եկավ հետևյալ խոսքով. «Սակայն, դժբախտաբար, մենք մեր այդ արժեքները, տարբերությունները կորցրեցինք: Միայն հեռացողները չէին, որ կորցրեցին: Կորցրեցին ոչ միայն հեռանալու հարկադրվածներն ու տառապանք կրածները, այլև` մենք: Նրանց հետ հեռացան նաև լիությունն ու բարեկեցությունը: Այլևս այս տարածքում ոչ մի տարբերություն, ոչ մի արժեք չպետք է կորցնենք: Ես մի խնդրանք ունեմ ձեզ ուղղված. խնդրում եմ` վերադարձեք ձեր հողերը»:

haberturk.com, 30.03.2010, Ահմեդ Յուքուշ, Դիարբեքիր

Leave a Reply

Your email address will not be published. Required fields are marked *