Շիրինօղլուին ուղղված հակազդեցություն` Թուրքիայի հայերի կողմից

Սուրբ Փրկիչ հայկական հիվանդանոցի վաքըֆի նախագահ Շիրինօղլուի այն խոսքերը, թե «Հայերը Թուրքիայում իրենց վստահ են զգում», ստացան հայերի հետևյալ հակազդեցությունը. «Մենք ամենայն հավանականությամբ մեկ այլ Թուրքիայում ենք ապրում»:

«Հարյուր հազար հայաստանցիներին կվտարեմ» սպառնալիքից անմիջապես հետո վարչապետ Էրդողանի հետ մարտի 26-ին հանդիպած Սուրբ Փրկիչ հայկական հիվանդանոցի վաքըֆի նախագահ Պետրոս Շիրինօղլուի մեկնաբանությունները բողոքի ալիք բարձրացրեցին: Թուրքիայի հայերը, որոնց շարքերում գտնվում է նաև «Ակօս» շաբաթաթերթի սպանված խմբագիր Հրանտ Դինքի այրին` Ռաքել Դինքը, հրապարակել են համատեղ ստորագրությամբ մի տեքստ:

            Շիրինօղլուն «համայնքի նախագահը» չէ

Հայտարարության մեջ նշվում է, թե «Շիրինօղլուն հայկական համայնքի նախագահը չէ. Շիրինօղլուի պարզաբանումները միայն իրեն են պատկանում և ոչ թե հայկական համայնքին»:

Տեքստի տակ ստորագրածները Շիրինօղլուի տված այն հարցին, թե «Հայերը Թուրքիայում վստահ են իրենց զգում: Թուրքիայում բնակվող որևէ հայից երբևէ բողոք լսե՞լ եք», հանդես եկան հետևյալ մեկնաբանությամբ. «Մենք, ամենայն հավանականությամբ, մեկ ուրիշ Թուրքիայում ենք ապրում: Հայերն այս երկրում հանդիպում են ցեղապաշտության  և ենթարկվում խտրականության: Հասարակության լայն շրջանակներում շարունակվում է հայերի հանդեպ սուր հակադրությունը: Մենք Շիրինօղլուից սպասում էինք, որ կհիշեր, թե Հրանտ Դինքն ինչպես սպանվեց 3 տարի առաջ, և որ ոչ մի իրական քայլ չձեռնարկվեց սպանության հետևում կանգնած իրական ուժերին գտնելու ուղղությամբ: Մենք սպասում էին, որ Շիրինօղլուն կհիշեր այդ մասին և դա կհիշեցներ նաև վարչապետին»:

Վարչապետ Էրդողանի կողմից հնչած «100 հազար հայաստանցիներին վտարելու» մասին սպառնալիքի պատճառով Էրդողանին դատապարտող տեքստը 2010 թ. մարտի 29-ին ժամը 17:00-ից սկսած տեղադրվել է bizbaskabirturkiyedeyasiyoruz.blogspot.com համացանցային կայքէջում, և տեքստի տակ սկսել է ստորագրահավաք: Հայտարարության ամբողջական տեքստը կարող եք գտնել հենց այդ հասցեի միջոցով:

bianet.org, BİA Haber Merkezi, 29.3.2010

Leave a Reply

Your email address will not be published. Required fields are marked *