Իրանը ադրբեջանական մեքենաների համար փակել է սահմանը

Իրանը փակել է Ադրբեջանի հետ սահմանը` Ադրբեջանից եկող բեռնատար և մարդատար ավտոմեքենաների համար. տեղեկացնում է Ռեգնում գործակալությունը:

Սահմանին մոտ գտնվող վարորդները գործակալությանը տեղեկացրել են, որ Նախիջևանի Ջուլֆայի հսկիչ անցակետի մոտ մեծ թվով ավտոմեքենաներ են կուտակվել և սահմանապահները թույլ չեն տալիս նրանց մուտքը երկիր:

Իրանական կողմը նաև բարձրացրել է բեռների ու ավտոմեքենաների 5-օրյա ժամանակավոր ապահովագրման սակագները:
 Մարդատար ավտոբուսները Իրանի սահմանը հատելու հարցում որևէ խնդիր չեն ունենում, սակայն բեռնատարները և մարդատար մեքենաները ստիպված են կանգնած մնալ սահմանին:

Հատկանշական է, որ այս արգելքը համընկել է Բաքվից Իրանի դեսպանին հետ կանչելու հետ, ինչը տեղի էր ունեցել Բաքվի և Թեհրանի հարաբերությունների սրման ֆոնին:

tert.am

Leave a Reply

Your email address will not be published.