Հավավի տոնակատարությունները մեկնարկում են

Հայերի կողմից կառուցված երկու աղբյուրների վերականգնումն իրականացրած Հրանտ Դինքի անվան հիմնադրամը 2012 թ. մայիսի 27-ին կազմակերպում է «Հավավի աղբյուրների տոնակատարություն» միջոցառումը:

Ֆեթհիյե Չեթինի «Մեծ մայրս» վերնագրով գրքի գլխավոր հերոս Հերանուշ Գադարյանի ծննդավայրը եղած Էլազիգի Հավավ գյուղում այս տարվանից սկսած տոնակատարություն է կազմակերպվում, որը նախատեսվում է դարձնել ավանդական:

«Ակօս» շաբաթաթերթի հաղորդմամբ` անցյալ տարվա` 2011 թ. օգոստոս-նոյեմբեր ամիսներին Էլազիգի Էքինոզյու (Հավավ) գյուղում հայերի ժամանակ կառուցված երկու աղբյուրների վերականգնումն իրականացրած Հրանտ Դինքի անվան հիմնադրամը մայիսի 27-ին` կիրակի օրը, կկազմակերպի Հավավի աղբյուրների տոնակատարություն:  

Աղբյուրների վերականգնման աշխատանքներին մասնակցել են նաև թուրք, քուրդ և հայ երիտասարդ կամավորներ:

Տոնակատարությունները կմեկնարկեն ժամը 11:00-ին` հյուրերի ընդունելությամբ և գյուղական նախաճաշով, և կշարունակվեն աղբյուրի վերականգնման ողջ գործընթացը ներկայացնող վավերագրական ֆիլմի ցուցադրությամբ:

Ժամը 13:00-ին այց կկազմակերպվի դեպի աղբյուրներ, ինչպես նաև` մի գյուղ, որտեղ գտնվում են հայկական եկեղեցի և վանք:

Ժամը 14:00-ին բացման ելույթներից հետո համերգով հանդես կգա «Քարդեշ թյուրքյուլեր» խումբը:

Ցանկություն կա այս տոնակատարությունները դարձնել ավանդական:

Akunq.net

Leave a Reply

Your email address will not be published.