Երգչուհի Ռոժդա Շենսեսը Դիարբեքիրում կազմակերպված փառատոնի ժամանակ քրդերեն երգ ներկայացնելու պատճառով դատապարտվել է 1 տարի 8 ամիս ազատազրկման: Արվեստի գործիչ Ռոժդան երեկ չմասնակցեց Դիարբեքիրի` Չորրորդ ծանր հանցագործությունների դատարանում իրականացվող դատավարության նիստին:

Հանրապետության դատախազն իր ելույթում նշեց, որ  Ռոժդան 2009 թ. մայիսին Դիարբեքիրում կազմակերպված «Մշակույթի և արվեստի փառատոնի» ընթացքում ներկայացված քրդերեն երգի խոսքերով «արել է ՊԿԿ-ի քարոզչություն»: Դատարանը Ռոժդա Շենսեսին  դատապարտեց 1 տարի 8 ամիս ազատազրկման` դատի հարուցմանը պատճառ դարձած երգը փառատոնում ներկայացնելու միջոցով «ահաբեկչական կազմակերպության քարոզն անելու» մեղադրանքով:

Եչգչուհի Ռոժդան 2010 թ. փետրվարի 11-ից ձերբակավել էր Ստամբուլում և ապա ազատ արձակվել` այստեղի դատական մարմիններին վերոհիշյալ դատական գործի առնչությամբ ցուցմունքներ տալուց հետո:

Թարաֆ, 26.03.2010