«Պատմության ետնաբեմում» հաղորդման ժամանակ Փելին Բաթուի` Հայոց ցեղասպանության մասին ասած խոսքերը խնդիրներ են հարուցել իր համար: 

Գեղեցիկ դերասանուհին հայտնեց, որ իրեն սպառնացել են…

«Պատմության ետնաբեմում» հաղորդաշարում, որ համատեղ վարում են Մուրադ Բարդաքչըն, Էրհան Աֆյոնջուն և Փելին Բաթուն, ամեն շաբաթ տեղի է ունենում որևէ մի իրադարձություն, որը բազմաթիվ քննարկումների տեղիք է տալիս: Անցած շաբաթ մեծ աղմուկ հանած դեպքը կրկին առնչվում էր Փելին Բաթուի արտահայտություններին: Բաթուն ասել էր, որ հաղորդման ընթացքում վշտացել է այն բաների համար, որ արվել են հայ քաղաքացիների նկատմամբ, և արցունք է թափել: Այս շաբաթ ևս հաղորդման թեման Հայկական հարցն էր: Թեմայի քննարկման ժամանակ Բաթուն նշեց, որ մահվան սպառնալիքներ է ստացել` անցած շաբաթ իր արած արտահայտությունների պատճառով:

Հետին մտադրություններ ունեցողները

Բաթուն հայտնելով, որ շատ է վշտացել կատարվածի համար, հետևյալ կերպ արտահայտեց իր հակազդեցությունը. «Ես էլեկտրոնային նամակներ եմ ստանում, որոնցում գրում են` «Գնա’ ու դարձի’ր նրանց (հայերի) դատապաշտպանը»: Ես ոչ մի ազգի պաշտպանությամբ չեմ զբաղվում: Ո’չ հայ, ո’չ քուրդ, ո’չ էլ թուրք… Ուղղակի ասում եմ` այստեղ փոխադարձ և օբյեկտիվ կերպով քննարկենք, թե ինչ է տեղի ունեցել: Մեր ազգը այնքան անհանդուրժող, հետին միտք ունեցող և զրպարտող է դարձել որ…»:

Գեղեցիկ արվեստագետը հետևյալ կերպ պատմեց իր ապրումների մասին. «Իհարկե, կան այդ ամենը սնող և նկարագիր ունեցող խմբեր: Անհանդուրժող ազգ ենք դարձել: Անկեղծ ասած` մեր վարչապետի խոսքերն էլ գործին չեն օգնում: Դրա համար էլ մահվան սպառնալիքներ եմ ստացել»:

2010-03-22 http://www.bugun.com.tr