Արցախյան իրողությունների ու իրադարձությունների ժամանակագրությունը ներկայացնող «Կանաչ ու սեւ. արցախյան օրագիր» գրքի հեղինակ Թաթուլ Հակոբյանի նոր` «Հայացք Արարատից. հայերը եւ թուրքերը» գրքում ներկայացվում են հայ-թուրքական հարաբերություններն ու շփումները` ժամանակագրական տարբեր հատվածների իրողություններով:

Հայ-թուրքական հարաբերությունները ներկայացնող այս գրքում Հակոբյանը նախ անդրադառնում է 1918-1923 թթ. ժամանակահատվածին` որպես հարաբերություններ Հայաստանի առաջին հանրապետության եւ Օսմանյան կայսրության միջեւ: Եվս մեկ խոշոր բաժնով առանձնացվել են, այսպես կոչված, Սառը պատերազմի տարիները, երբ Հայաստանը խորհրդային էր: Այս ժամանակաշրջանի համար Հակոբյանը հետաքրքրական հանգամանքներ է ներկայացրել գրքում, օրինակ, որ, 1923-ին Երեւանում դեռեւս գործում էր Թուրքիայի դեսպանատուն:

Գրքի վերջին հատվածը նվիրված է 1988-ից այս կողմ ընկած արդեն անկախ Հայաստանի հարաբերություններին Թուրքիայի հետ:

«Ազգը» տեղեկացրել է, որ գիրքն արդեն ներկայացվել էր Բեյրութում` արեւմտահայերենով, իսկ Երեւանում ներկայացվեց արեւելահայերեն տարբերակը: Գիրքը գրական հայերենի երկու ճյուղերով միասին հրատարակվել է 3000 տպաքանակով եւ հասանելի է Երեւանի գրախանութներում:

Ա. Հ.

http://www.azg.am/AM/2012041121