Փաստավավերագրական նոր ֆիլմ` Արևմտահայաստան կատարված ուխտագնացության մասին. «Դեպի Էրգիր»

«Մարաթուկ» ազգագրական երգի-պարի համույթը հիմնադրվել է Մգրո Սարգսյանի ջանքերով: Ստեղծման օրվանից համույթը ուխտ է արել լինել Արևմտյան Հայաստանում, երգել ու պարել կարոտյալ Էրգրում: 2011 թ. հուլիսին իրականացվեց «Մարաթուկ» համույթի վաղեմի երազանքը: Դերսիմահայերի հավատքի և սոցիալական փոխօգնության միության հրավերով և Արևմտահայոց հարցերի ուսումնասիրության կենտրոն գիտահետազոտական հիմնադրամի նախաձեռնությամբ համույթը մեկնեց Արևմտահայաստան և մասնակցեց Դերսիմում կայացած «Մնձուրի բնության և մշակույթի պահպանման» 11-րդ փառատոնին: «Մարաթուկ» համույթի 26 հոգանոց խմբից, Արևմտահայոց հարցերի ուսումնասիրության կենտրոնի աշխատակիցներից, բժիշկներից և մտավորականներից բաղկացած ուխտավորների խումբը եղավ նաև Դիարբեքիրում, Մուշում, Վանում, Կարսում և Անիում, սակայն «Մարաթուկ»-ի ուխտը դեռ անավարտ է մնացել. պատմական Մարաթուկ (Մարութա) լեռը դեռ չի զգացել «Մարաթուկ»-ի երգ ու պարի ուժը: Մոտ ապագայում նախատեսվում է ուխտգնացությունը հասցնել իր ավարտին:

Երեկ Մոսկվա կինոթատրոնում կայացավ «Դեպի Էրգիր» վավերագրական ֆիլմի շնորհանդեսը` նվիրված վերոհիշյալ ուխտագնացությանը (սցենարի հեղինակ` Ասյա Սահակյան, ռեժիսոր` Արտակ Ավդալյան, օպերատորներ` Կարեն Ստեփանյան, Արթուր Ղանդիլյան, տեքստը կարդում է Արթուր Կարապետյանը):

Ֆիլմը կցուցադրվի նաև այսօր` ժամը 23:00-ին, «Երկիր մեդիա» հեռուստաալիքով:

Akunq.net

Leave a Reply

Your email address will not be published. Required fields are marked *