«Բելգե» հրատարակչությունը թուրքերենով լույս է ընծայել գերմանական «Դեր Շպիգել» հանդեսի արտաքին լրատվության ծառայության պետ Վոլֆ Գուստի «Գերմանական արխիվներ. Հայոց ցեղասպանությունը 1915-16 թթ.» գիրքը, որը հեղինակը կազմել է` հիմնվելով Գերմանիայի արտաքին գործերի նախարարության փաստաթղթերի վրա: Այդ մասին հաղորդում է թուրքական «Էթքին» լրատվական գործակալությունը: Աղբյուրի համաձայն` Առաջին աշխարհամարտում Թուրքիայի ամենամոտ դաշնակից Գերմանական կայսրության միսիոներները, ուսուցիչները, սպաներն ու դիվանագիտական կորպուսի աշխատակիցներն արձանագրել են Հայոց ցեղասպանության մանրամասները: Գրքում նշվում է, որ գերմանացի սպաները ևս ակտիվ մասնակցություն են ցուցաբերել հայերի ոչնչացմանը: Վոլֆգանգ Գյուստի կողմից Գերմանիայի արտգործնախարարության արխիվում գտնված զեկույցները ներկայացնում են իրադարձությունների ամբողջ սահմռկեցուցիչ պատկերը` միաժամանակ շեշտելով գերմանացիների պատասխանատվության մասին:

Գիրքը գերմաներենից թուրքերեն են թարգմանել Զեքիյե Հասանչեբին և Ա. Թաքջանը, իսկ խմբագրել են ներկայում ազատազրկման մեջ գտնվող, «Բելգե» հրատարակչատան տնօրեն Ռագըփ Զարաքօլուն և Հայոց ցեղասպանության թեմայով գրված իր աշխատություններով հայտնի գիտնական Ալի Սայիդ Չեթինօղլուն: Գրքի մյուս խմբագիրներն են Ահմեդ Բաթմանը, Յասեմին Գեդիքը, Դողան Աքհանլըն, Իրֆան Ջյուրեն, Թորոս Սարիանը և Սենա Ադալըն:

18.02.2012

Akunq.net