Կարևոր զարգացում Դինքի սպանության գործում

Ստամբուլի ծանր հանցագործություններ քննող 9-րդ դատարանը կարևոր որոշում է կայացրել Հրանտ Դինքի սպանության դատական գործում. դատարանը պահանջել է սպանության իրականացման պահին կատարված բոլոր հեռախոսային ձայնագրությունները:

Ստամբուլի ծանր հանցագործություններ քննող 14-րդ դատարանը Դինքի ընտանիքի փաստաբանների միջնորդությամբ Հեռահաղորդակցության նախարարությունից պահանջել է դեպքի վայրում կատարված բոլոր հեռախոսազանգերի ձայնագրությունները:

Ինչպես հաորդում է NTV-ն, Հեռահաղորդակցության նախարարությունը մերժել է այդ պահանջը` պատասխանելով, թե կասկածյալ կամ մեղադրյալ չեղող բազմաթիվ անձանց հեռախոսային խոսակցությունների ձայնագրությունները վերցնելը հավասարազոր է մարդկանց անձնական կյանք ներխուժելուն: Միևնույն ժամանակ այս որոշումը չեղյալ հայտարարելու համար նախարարությունը վճռաբեկ գանգատ է ներկայացրել ծանր հանցագործություններ քննող 9-րդ դատարանին:

Առարկությունը քննող դատարանը քվեարկությամբ կայացրած որոշման մեջ «անձնական կյանք ներխուժելու» հիմնավորումը չի ընդունել և մատնանշել, որ անհրաժեշտ է ուղարկել պահանջված ձայնագրությունները:

«Ջումհուրիյեթ» պարբերականը նշում է, որ Հեռահաղորդակցության նախարարության ձայնագրությունները ջնջվում են 5 տարին մեկ: Իսկ Դինքի սպանության օրը կատարված ձայնագրությունները ջնջվելու են 5 ամիս հետո:

Ջումհուրիյեթ
25.08.2011

Leave a Reply

Your email address will not be published. Required fields are marked *