Անին` ՅՈՒՆԵՍԿՕ-ի համաշխարհային մշակութային ժառանգության թեկնածու

Հայկական պատմական Անի քաղաքը, որը ներկայումս գտնվում է հայ-թուրքական սահմանի մոտ` Թուրքիայի հատվածում, ՅՈՒՆԵՍԿՈ-ի կողմից ներառվել է համաշխարհային մշակութային ժառանգության ցանկում տեղ գտնելու թեկնածուների ցուցակում, փոխանցում են թուրքական լրատվամիջոցները:

Կարսի մշակույթի և զբոսաշրջության պատասխանատու Հաքան Դողանայը թուրքական պետական «Անադոլու» գործակալության հետ զրույցում նշել է, որ «դարերի ընթացքում այստեղ ապրել են ուրարտացիներ, սելջուկներ, օսմանցիներ»` ոչ մի անգամ չօգտագործելով հայ բառը, թեև քաղաքն ամբողջովին հայկական է:

Վերջինս նաև ծիծաղելիորեն հավելել է, որ ամենաշատն Անի այցելում են ֆրանսիացի, ճապոնացի և անգլիացի զբոսաշրջիկները` նորից չնշելով հայերի մասին, ովքեր, անկասկած, հայկական երբեմնի ծաղկուն քաղաքն այցելող զբոսաշրջիկների զգալի մասն են կազմում:

Հետաքրքիր է, որ թուրք պաշտոնյան Հայաստանի մասին միայն խոսել է` նշելով Սպիտակի երկրաշարժը, «ինչից Անիի կիսավեր շինությունները զգալի տուժել են»:

Այնուամենայնիվ, միակ դրական կողմն այն է, որ Անին համարվում է ՅՈՒՆԵՍԿՈ-ի համաշխարհային մշակութային ժառանգության ցանկում տեղ գտնելու թեկնածու: Ամեն դեպքում հայկական քաղաքը գոնե որոշ չափով կփրկվի վերջնական ոչնչացումից:

HayNews.am

Leave a Reply

Your email address will not be published. Required fields are marked *