ԿՈՒԿԼԱԿ

ԿՈՒԿԼԱԿ, Գուգլակ. ամրոց Կիլիկիայի Կուկլակ լեռնանցքում, Փոքր Ասիայից Մերձավոր Արևելք գնացող մայրուղու վրա:  Կառուցված է 450մ բարձրությամբ, գահավեժ կիրճերով շրջապատված սարահարթի վրա: Ամրոց տանող միակ ճանապարհը եղել է համեմաաբար մատչելի հարավարևմտյան լանջին:

Մոտ 200մ երկարությամբ և 70մ լայնությամբ հարթության տարածքն արևելքից արևմուտք շրջապատված է եղել կիսաբոլոր բուրգերով: Պարիսպների ընդհանուր երկարությունը՝ 700մ: Ամրոցը կիրճին կապվել է գաղտնուղով: Հայտնի է նաև Դուռն Կապան Կիլիկիո (բացառիկ ամրության և ռազմական նշանակության համար) և Գուգլակ Հայոց անուններով:

Այժմ պահպանվել են պարսպի հարավային և արևմտյան որոշակի հատվածներ, հրդեհից վնասված դղյակի, ջրավազան, բնակելի և օժանդակ շինությունների մնացորդներ:

Հայկական համառոտ հանրագիտարան, Հատոր 3, Երևան, 1999:

Leave a Reply

Your email address will not be published. Required fields are marked *