Ազգայնական շարժում կուսակցությունը քրդերին սպառնում է, հայերին` վիրավորում

Ազգայնական-ֆաշիստական ուղեգիծ որդեգրած «Օրթադողու (Միջին Արևելք/» օրաթերթի սյունակագիր Էնդեր Գյոքդեմիրն իր հոդվածում վրեժխնդրությամբ է լցվում 2011 թ. հունիսյան ընտրությունների արդյունքում խորհրդարան մտնելու իրավունք վաստակած  դաշինք կազմած թեկնածուների նկատմամբ:

Իր հոդվածում Գյոքդեմիրը նշելով, որ դաշինք կազմած 36 պատգամավորները 2011 թ. հունիսի 12-ի ընտրությունների ժամանակ կարողացել են խորհրդարան մտնել «թուրքի ծով համբերության» շնորհիվ, դեռևս երդում չտված 36 պատգամավոր քաջության, անամոթության ու անպատկառության տեղիք են տվել, հարկ համարեց նաև սպառնալ ժողովրդի ազատ կամքով խորհրդարան մտած պատգամավորներին: Գյոքդեմիրը, հիշեցնելով 80-ականներին նախորդած դեպքերի ժամանակ տեղի ունեցած ազգայնական-ֆաշիստական ճակատի հարձակումները, առաջիկա օրերին քուրդ ժողովրդի նկատմամբ հնարավոր հարձակումների ազդանշանն է տալիս: Քուրդ և հայ ժողովրդին անպարկեշտ խոսքերով նվաստացնող Գյոքդեմիրը դաշինքի 36 պատգամավորների վերաբերյալ ասելով, թե «իրո՞ք, դուք քու՞րդ եք, զգույշ եղեք սրի քաշված հայի սերունդ չդառնաք», ի հակառակ թուրքական պատմական թեզի` այն է, թե հայերը չեն սպանվել, բացահայտ գրել է, որ հայերին սպանել են:

Գյոքդեմիրը, դատախազներին և դատավորներին կոչ անելով դատական գործ հարուցել դաշինքի պատգամավորների դեմ, իր հոդվածի շարունկության մեջ քուրդ ժողովրդին սպառնում է. «Հալայ և Զըլգըթ պարելով ոչ մեկին հայրենիք չի տրվում, թուրք ժողովուրդը ձեզ եղբայր համարեց, կրծքին սեղմեց, դուք, թուրք ժողովրդին արհամարհելով, եղբայր եք համարում կամ Իվանին, կամ հորեղբայր Սամին, կամ Հասանին, կամ էլ Ժանին: Մենք էլ մեզ եղբայր չենք համարի քաղաքական քրդականությանը հարողներին»: Գյոքդեմիրը, շարունակելով անպարկեշտ խոսքեր արտահայտել քուրդ ժողովրդի և նրա ազատ կամքով ընտրված 36 պատգամավորների մասին, սպառնաց` ասելով. «Որտե՞ղ են այս պետության դատավորներն ու դատախազները: Նայե’ք, այս լռությունը մեզ նյարդայնացնում է: Այս հողերի վրա Քրդստան հիմնել ցանկացողնե’ր, բավարարվեք մեր հիմարության արդյունքում ընտրված ձեր պատգամավորներով: Շատ վատ օգտագործեցիք 1991 թ. ձեր հանդեպ ցուցաբերած հանդուրժողականությունը, հիշե’ք: Քանի՞ օր տևեց բանտի և խորհրդարանի միջև ընկած ժամանակահատվածը: Դեռևս «Քրդստան» ասողների գլխին չեն սկսել լոլիկ, ձու և քար նետել: Թու’րք զավակներ, այս լռությունը թող ձեզ մոլորության մեջ չգցի: Այս պետությունը մեզ` թուրք երիտասարդությանն է վստահվել»:

Ազգայնական-ֆաշիստական ուղեգիծ որդեգրած «Օրթադողու (Միջին Արևելք)» օրաթերթի աշխատակազմում տեղ զբաղեցրած Էնդեր Գյոքդեմիրը Անկարայի Գազի համալսարանում դասավանդում է նորագույն պատմություն: Ազգայանական շարժում կուսակցության նախագահ Դևլեթ Բահչելիի մտերիմ, Անկարայի Գազի համալսարանի դասախոս Էնդեր Գյոքդեմիրը 2011 թ. ընտրությունից առաջ որպես Դևլեթ Բահչելիի հատուկ ներկայացուցիչ Իզմիր, Կեսարիա, Մանիսա և Սամսուն նահանգներում մի շարք ուսումնասիրություններ և աշխատանքներ է կատարել, որոնց բովանդակությունը կուսակցությունը դեռևս չի պարզաբանել:

«Ֆըրաթ» լրատվական գործակալություն

http://www.firatnews.com/index.php?rupel=nuce&nuceID=46056

Leave a Reply

Your email address will not be published.