Թուրքական «Դողան» լրատվական գործակալության համաձայն` Փյուլյումյուրի Չաքըրքայա գյուղի մոտակայքում ընդհարում է եղել ՊԿԿ-ի 10-15 հոգանոց խմբի հետ:

Պարզվել է, որ երեկ երեկոյան ժամերին Թունջելի (Դերսիմ) նահանգի Փյուլյումյուր գավառի Չաքըրքայա գյուղի դաշտային մասում Թուրքիայի անվտանգության ուժերի և ՊԿԿ ահաբեկչական կազմակերպության անդամների միջև տեղի ունեցած ընդհարումը որոշ դադարներով շարունակվել է ողջ գիշեր: Թունջելիի 4-րդ հատուկ նշանակության վաշտի հրամանատարության կողմից ուղղաթիռներով ընդհարման վայր են ուղարկվել օժանդակ զորքի պրոֆեսիոնալ զորամիավորումներ:

Ընդհարման ժամանակ վիրավորվել են անվտանգության երկու պաշտոնյաներ, որոնց զինվորական աստիճանն առայժմ չի պարզվել: Վիրավորները ուղղաթիռով հասցվել են Էլազիգի զինվորական հիվանդանոց: Ըստ ստացված տեղեկության` այս շրջանում ընդհարումները շարունակվում են:

Դողան լրատվական գործակալություն

07.07.2011