«Այլևս չեմ վախենալու հայ լինելուց»

Քազըմ Աքսեսը, որն իր ապրուստը վաստակում է` Մալաթիայում սեփական ձայնասկավառակները վաճառելով, հայտնել է իր հայ լինելու մասին և դիմել դատարան: Քազըմ Աքսեսը, որը նախքան Հրանտ Դինքի և 3 միսիոներների սպանությունները չէր նախաձեռնել փոխել իր անունը Սարգիս Ներսեսյանի, քանի որ քաշվում էր այդ հանգամանքից, հայտնեց, որ “այլևս չի վախենալու իր հայ լինելուց”: Այն հանգամանքը, որ Քազըմ Աքսեսը, իր հայ լինելու մասին հայտնելով, դիմել է դատարան, կարևոր զարգացում է հանդիսանում` տեղի ունեցած սպանություններից հետո տարբեր լինելու հանդեպ վախերից ձերբազատվելու տեսանկյունից:

1963 թ. Մալաթիայի Դարենդե գավառի Քուրշունլու գյուղում ծնված Աքսեսը հայտնեց, որ ինքը արմատներով հայ է  և որ Հրանտ Դինքի ու Մալաթիայում տեղի ունեցած սպանություններից ազդվելով` դիմել է դատարան: Աքսեսը նշելով, որ իր երաժշտական կյանքն սկսել է 9 տարեկանից հետո, 2001 թ. ձայնագրված իր ձայնասկավառակը քաղաքի կենտրոնում  սեփական ջանքերով հիմնած ստենդում վաճառելով` ջանում է ապահովել իր գոյությունն: Աքսեսն ասաց, որ իր նոր ձայնասկավառակը ցանկանում է ձայնագրել տալ հայկական անվանմամբ:  

 Դառնալու է Սարգիս Ներսիսյան

 1963 թ. Մալաթիայի Դարենդե գավառի Քուրշունլու գյուղում ծնված Աքսեսը, հայտնելով իր հայկական ծագման մասին, ասաց նաև հետևյալը. ՙԵս ունեմ որոշ հայ ընկերներ, որոնք թաքցնում են սեփական ինքնությունը: Իսկ ես այս դատական գործը հարուցեցի` նրանց օրինակ ծառայելու նկատառումով: Հրանտ Դինքի սպանությունը շատ ցավալի իրողություն է, երանի թե տեղի չունենար: Մենք բոլորս մարդ ենք. միասին ենք ապրում և շարունակելու ենք ապրել: Թո’ղ ազգային խտրականություն չլինի: Մինչ այժմ վախ կար, բայց Հրանտ Դինքից հետո այլևս չեմ վախենալու: Եթե հայ լինելը հանցանք է համարվում, թո’ղ սպանեն ինձ”: Աքսեսը հայտնելով, որ իր ընտանիքը ժխտում է սեփական արմատները, նշեց նաև, որ ինքն այդ խնդրում  համամիտ չէ իր ընտանիքի հետ: Այդ իսկ պատճառով անցած շաբաթ Մալաթիայի դատարանում գործ է հարուցել` անուն-ազգանունը Սարգիս Ներսեսյան փոխել տալու համար: Աքսեսը նաև հայտնեց, որ դատարանում առաջին նիստը հետաձգվել է մինչև հուլիս ամիսը, և որ ինքը դատը շահելու հույսեր ունի: Աքսեսը նշելով նաև, որ իր երաժշտական կյանքն սկսել է 9 տարեկանից, հանդես եկավ հետևյալ մեկնաբանություններով. “Այդ տարուց մինչև 2001 թվականը անընդհատ երգել եմ: Շատ էի սիրում թյուրքյու երգել: Ինձ բացահայտեցին  2001 թվականին: Մինչ այդ փողոցներում մանր-մունր բաներ էի վաճառում: Ձայնագրեցին ինձ: Հիմա ապրուստս հայթայթում եմ` սեփական  ձայնասկավառակներս վաճառելով՚:  

http://www.evrensel.net/haber.php?haber_id=31988

Դերյա Քարաչոբան, Չաղդաշ Ասլան

Leave a Reply

Your email address will not be published. Required fields are marked *