Ինչպե՞ս հայերը օգնեցին զարգացնել լուսանկարչությունը Օսմանյան կայսրությունում ու վերջինիս սահմաններից դուրս

Մերթ Սթրոմբերգ

Հայ լուսանկարիչները նշանակալի  դեր են խաղացել Օսմանյան կայսրությունում ու Մերձավոր Արևելքում լուսանկարչության զարգացման ու տարածման սկզբնական փուլում:

20-րդ դարի սկիզբը ցնցումների և տրավմաների շրջան է եղել հայ ժողովրդի համար։ Այդ ընթացքում տեղի ունեցան Օսմանյան կայսրության անկումը, Հայաստանի բռնակցումը Խորհրդային Միությանը և, որ ամենաողբերգականն էր, Հայոց ցեղասպանությունը, ինչի պատճառով մոտ 1․5 մլն հայեր սպանվեցին ու մեկ միլիոնից ավել մարդ տեղահանվեց իր բնօրրանից։

Շատ դժվար է է պատկերացնել, թե այդ ժամանակ ինչպիսին էր առօրյա կյանքը, բայց նոր ցուցահանդեսը, որը կազմակերպվելու է Բրենդ գրադարանում ու արվեստի կենտրոնում ուսումնասիրում է այդ պատմական իրադարձությունները Օսմանյան կայսրությունում ապրած մի հայ ընտանիքի լույսի ներքո։

«Շարունակականություն և բեկում. հայ ընտանիքի ոդիասականը»  խորագրով ցուցահանդեսը ներկայացնում է հազարավոր լուսանկարներ ու լուսանկարչական ժապավեններ։ Դրանք արվել են Դիլդիլյան ընտանիքի անդամների կողմից 1870 թ․ մինչև իրենց  աքսորը՝ 1922 թ․, հետագայում Հունաստանում, Ֆրանսիայում և ԱՄՆ-ում բնակություն հաստատելը։

Սերնդեսերունդ փոխանցված հաշիվների ու լուսանկարների միջոցով ցուցահանդեսում մանրամասն կներկայացվի այդ բարդ դարաշրջանը։ Կիրակի օրը ցուցահանդեսից  բացի՝ Բրենդը կկազմակերպի շուրջօրյա սիմպոզիում` «Լուսանկարչությունը Օսմանյան կայսրությունում, Մերձավոր Արևելքում ու շրջակայքում» խորագրով: Այն ղեկավարելու է ցուցահանդեսի համակարգող` դոկտոր Արմեն Թ․ Մարսուբյանը, այդ ընթացքում լուսանկարչության պատմության մի քանի  գիտնականններ կներկայացնեն ու քննարկում կանցկացնեն Օսմանյան կայսրությունում ու Մերձավոր Արևելքում լուսանկարչության սկզբնական զարգացման ու տարածման գործում հայերի նշանակալի դերի մասին։

Ցուցահանդեսը տեղի կունենա կիրակի օրը՝ մարտի 25-ին, ժամը՝ 10։30-1600

Բրենդ գրադարանում և արվեստի կենտրոնում (1601 Վեսթ Մաունթին փողոց, Գլենդել, Կալիֆոռնիա)                                                                        

Հավելյալ տեղեկությունների համար դիմել Բրենդ գրադարանին ու արվեստի կենտրոնին։

https://hyperallergic.com/433535/photography-in-the-ottoman-middle-east-brand-library-art-center/?utm_source=facebook&utm_medium=social&utm_campaign=sw

Թարգմանեց Անի Մելքոնյանը

Akunq.net

Leave a Reply

Your email address will not be published. Required fields are marked *