Թուրքիոյ յոյն եւ ասորի համայնքներու հոգեւոր առաջնորդները Այցելեցին Պոլսոյ Հայոց պատրիարքարան


Թուրքիոյ
յունական համայնքի հոգեւոր առաջնորդ ԿՊոլսոյ տիեզերական պատրիարք Բարթողիմէոս Ան, ասորական ուղղափառ եկեղեցւոյ փոխպատրիարք Ֆիլուքսինոս Եուսուֆ Չեթին եւ Թուրքիոյ հայ կաթողիկէ համայնքի հոգեւոր առաջնորդ Լեւոն Զէքեան Յունուար 8-ին այցելած են Պոլսի Հայոց պատրիարքարան:

Այս մասին` ըստ “Արցախփրես”-ի՝ կը նշուի Պոլսի Հայոց պատրիարքութեան ֆէյսպուքեան էջին մէջ:

Առաքելութեան նպատակը եղած է յատուկ տօնական այցով շնորհաւորել Թուրքիոյ հայ համայնքի Սուրբ Ծննդեան տօները:

Հոգեւոր հիւրերը ընդունած է Պոլսի Հայոց պատրիարքի ընտրուած տեղապահ Գարեգին արքեպիսկոպոս Պեքճեանը:

Հանդիպման ընթացքին հոգեւոր հայրերը անդրադարձած են Թուրքիոյ փոքրամասնութիւննեու ներկայ վիճակին, քննարկած շարք մը խնդիրներ, հայկական, յունական եւ ասորական համայնքներու միջեւ փոխգործակցութեան հեռանկարները:

Հանդիպումին մասնակցած են նաեւ այս եկեղեցիներու այլ բարձրաստիճան հոգեւորականներ:

http://www.yerakouyn.com/?p=146348

Leave a Reply

Your email address will not be published. Required fields are marked *