Times of Israel. Հայոց ցեղասպանությունը ժխտողներին պետք է պատժել` հանուն արդարության

Ֆրանսիացին, որը ժխտում է Հայոց ցեղասպանությունը, վիրավորվել է հայ լրագրողից, նրան զրպարտիչ անվանել։ Դատարանը լուծել է նրանց վեճը։

ԵՐԵՎԱՆ 7 դեկտեմբերի — Sputnik. Հայոց ցեղասպանությունը ժխտողներին պետք է խարանել` հանուն արդարության, գրում է “Times of Israel”-ը` մեկնաբանելով «Ֆրանս–պրեսի» հայտարարությունը։

Ֆրանսական դատարանն ավարտել է “Nouvelles d”Armenie” գլխավոր խմբագիր Ժան Մարկ Թորանյանի դեմ դատավարությունը։

Հայկական նորությունների ֆրանսիական այդ կայքում Թորանյանը բազմիցս քննադատության է ենթարկել այն մարդկանց, որոնք ժխտում են Հայոց ցեղասպանությունը։ Նրանց շարքում է Մաքսիմ Գոենը։ Այդ ֆրանսիացի հետազոտողին ֆինանսավորում է Թուրքիայի վերլուծական կենտրոններից մեկը, նշում է իսրայելական թերթը։

Թորանյանը 2013-14 թթ. մի քանի անգամ գրել է նրա մասին։ Իր հոդվածներում Թորանյանը Գոենին «ֆրանսական ֆաշիզմի վստահելի գործիք» է անվանել այն բանից հետո, երբ Գոենը սկսել է պնդել, որ «հայերի հարկադիր տեղահանման ժամանակ նրանց լավ են կերակրել»։ Դրա համար նա Գոենին համեմատել է Ռոբերտ Ֆորիսոնի հետ, որը ժխտում էր Հոլոքոստը։

Գոենը վիրավորվել է այդպիսի համեմատությունից։ «Ի՞նչը կարող է լինել ավելի վատ, քան այդպիսի կեղծարարի հետ համեմատությունը», – հայտնել է նա դատարանում։ Այդպիսի սարսափելի վիրավորանքի համար նա բարոյական վնասի փոխհատուցում էր պահանջում։

Սակայն դատարանը որոշել է` թեև Թորանյանի հոդվածները զրպարտանքի տարրեր պարունակել են, սակայն վիրավորելու ակնհայտ նպատակ չեն ունեցել։

Որոշումը կարելի է բավարար համարել, կարծում է Թորանյանի փաստաբան Անրի Լեկրերը։ Դատարանը Ցեղասպանությունը ժխտողներին հանցագործ չի համարում, սակայն դեմ չէ, երբ նրանց ստախոս են ասում։ Հիմա դրա համար նախադեպ է ստեղծվել, ընդգծեց փաստաբանը։

https://armeniasputnik.am/world/20171207/9714773/francia-hayoc-cexaspanutyuny-jxtoxnerin-petqe-datel.html

Leave a Reply

Your email address will not be published. Required fields are marked *