Դանիայում լույս է տեսել Կարեն Յեպպեի մասին «Հայերի դանիացի մայրը» վերնագրով գիրքը

Դանիայում վերջերս լույս է տեսել դանիացի միսիոներ Կարեն Յեպպեի մասին գիրքը, ով  հայտնի է Օսմանյան կայսրության տարածքում իր կատարած սոցիալական աշխատանքներով: Այս մասին տեղեկանում ենք դանիական «Bogvaegten» կայքից:

«Ոսկե Ծիրան» միջազգային կինոփառատոնի ժամանակ Յեպպեին ներկայացրել են որպես          «Հայերի դանիացի մայրը»: Դանիացի միսիոները 26 տարեկանում մի դասախոսություն է լսել հայերի մասին և որոշել է ուսուցչություն անել որբ հայ մանուկների համար:

Յեպպեն ժամանել է Ուրֆա, որտեղ միացել է գերմանացի հոգևորական Յոհաննես Լեփսյուսի անմիջական վերահսկողությամբ գործող որբանոց-դպրոցին:

Հայոց Ցեղասպանությունից հետո նա գնացել է Սիրիա, որտեղ աշխատանք է գտել հայ այրիների համար` ստղծելով որբանոցներ, դպրոցներ, կլինիկաներ ու աշխատասենյակներ, ապա, որպես Մերձավոր Արևելքում կանանց ու երեխաների պաշտապանության Հալեպի կոմիտեի տնօրեն, աշխատել է փրկել այդ տարածքում ցիր ու ցան եղած 2 հազար հայ կանանց ու երեխաներին:

Կարեն Յեպպեն հնարավոր ամեն բան արել է, որպեսզի լավ հարաբերություններ հաստատի բեդվինների ու հայ գյուղացիների միջև, որի շնորհիվ Ռաքքայի շրջանում նրան հաջողվել է ստեղծել 6 հայկական գյուղական գաղթօջախներ` ԹելԱրմեն, Թել Սամեն ու   Չարփ Պետրոս:

Կարեն Յեպպեի անունով է կոչվում Հալեպի առաջին հայկական բարձրագույն դպրոցը. դպրոցը բացվել է 1946 թ.:

https://horizonweekly.ca/en/book-about-danish-mother-of-armenians-karen-jeppe-published-in-denmark

Թարգմանեց

Leave a Reply

Your email address will not be published. Required fields are marked *