Վանա լճում հայտնաբերվել է ուրարտական ժամանակաշրջանի հնագույն ամրոց

Թուրքիայի «Yüzüncü Yıl» համալսարանի ջրային հետազոտությունների ֆակուլտետի դասախոս, պրոֆեսոր Մուսթաֆա Ակքուշը հայտարարել է, որ Վանա լճի հատակին հայտնաբերվել է 3000-ամյա պատմություն ունեցող ամրոց: Ամենայն հավանականությամբ ամրոցը պատկանում է Ուրարտու թագավորության ժամանակաշրջանին: Ըստ թուրքական «Anadolu» լրատվական գործակալության, թուրք պրոֆեսորի խոսքերով ամրոցը ջրի տակ է անցել, քանի որ լճի մակարդակը վերջին 100-ամյակի ընթացքում բարձրացել է շուրջ 150 մետրով:

Ըստ նրա` բարեբախտաբար ամրոցի պատերը լավ են պահպանվել և բոլորովին չեն վնասվել: Դրան նպաստել է մասնավորապես այն, որ լճի ջուրն աղի է:

Թուրք պրոֆեսորի կարծիքով լիճը, որը իր մեջ բազմաթիվ առեղծվածներ է թաքցնում, կարող է գրավել դայվինգի սիրահարներին ու հնագետներին:

Հիշեցնենք, որ Ուրարտուն կամ Վանի թագավորությունը գոյություն է ունեցել մ.թ.ա 9-6-րդ դարերում:

https://www.ermenihaber.am/am/news/

Leave a Reply

Your email address will not be published. Required fields are marked *