Թուրքիայում հայ երաժշտի անունը կրող այգու ցուցանակը կրկին հարձակման է ենթարկվել

Թուրքիայի հարավ–արեւելյան Բաթման քաղաքում հայ երաժիշտ Արամ Տիգրանի անունը կրող այգու մուտքի մոտ գտնվող ցուցանակի վրայից կրկին ջնջել են երաժշտի անունը։

Ինչպես տեղեկացնում է Ստամբուլի հայկական «Ակօս»–ը, Բաթմանի քաղաքապետարանը օրեր առաջ վերականգնել էր այգու մուտքի մոտ տեղադրված ցուցանակը, որի վրայից անհայտ անձը կամ անձիք ներկով ջնջել էին Արամ Տիգրանի անունը։

Սակայն վերականգնված վիճակում այգու ցուցանակը երկար չի մնացել։ Ցուցանակի վրայից կրկին ջնջել են Արամ Տիգրանի անունը։

Նշենք, որ Մերձավոր Արևելքի սոխակ համարվող հայազգի երաժիշտը, ով ծնվել է   1934-ին Սիրիայի Քամիշլո քաղաքում, 20 տարեկանից իրեն նվիրել է երաժշտությանը՝ երգելով հայերեն, քրդերեն, թուրքերեն, արաբերեն, հունարեն և ասորերեն։  Արամ Տիգրանը մի շարք հայկական ժողովրդական երգեր թարգմանել է՝ երգելով քրդերեն և հակառակ:

https://news.am/arm/news/420177.html

Leave a Reply

Your email address will not be published. Required fields are marked *