Իրանը Թուրքիային մեղադրել է Սիրիայի դեմ ամերիկյան ծրագրերը կյանքի կոչող երկրի վերածվելու մեջ

Սիրիայի եւ տարածաշրջանի մյուս երկրների դեմ թշնամական քաղաքականություն իրագործելու պատճառով Թուրքիան մի գիշերվա մեջ կորցրել է վերջին 10 տարում ունեցած ձեռքբերումները: Նման հայտարարություն է արել Իրանի արտաքին գործերի նախկին նախարար Մանուչեհր Մոթաքին:

Ինչպես հաղորդում է «Արմենպրես»-ը` վկայակոչելով թուրքական «Դողան» լրատվական գործակալությունը, մահմեդական Ռամադան տոնի առթիվ կազմակերպված ընթրիքում Մոթաքին Թուրքիային մեղադրել է «Սիրիայի դեմ ամերիկյան պլանները կյանքի կոչող երկրի վերածվելու» մեջ: Նա պնդել է, որ Թուրքիան Սիրիայի նկատմամբ քաղաքականությունը փոխել է ԱՄՆ-ի շահերը վտանգելու վախից:

Նշենք, որ Իրանի արտաքին գործերի նախկին նախարար Մանուչեհր Մոթաքին մի ժամանակաշրջան գլխավորել է Անկարայում Իրանի դեսպանությունը:

http://armenpress.am/arm/news/689940/irany-turqiayin-mexadrel-e-siriayidem-amerikyan-tsragrery.html