Թուրքիայի կրոնական գործերի վարչության (Diyanet İşleri Başkanlığı) խոսափողը հանդիսացող «Դիյանեթ» ամսագրի վերջին համարի շապիկի վրա աշխարհի գրեթե բոլոր լեզուներով արձանագրված է եղել «Ողջության և անվտանգության կոչ/ողջույն»: Ողջույնի խոսք չի եղել միայն քրդերեն, եբրայերեն և հայերեն լեզուներով:
Այդ մասին հայտնում է «Հաբեթյուրք» լրատվամիջոցը: Ըստ աղբյուրի` հիշյալ լեզուների բացակայության փաստի առթիվ Կրոնական հրատարակությունների գլխավոր վարչության իրավասուները Կրոնական գործերի վարչության նախագահությանը հայտնել են, թե ողջույնի խոսքը տարբեր լեզուներով արտահայտելու համար օգտվել են google որոնողական համակարգից, և որ ամսագրի շապիկը չէր կարող ընդգրկել աշխարհի բոլոր լեզուները:
Այս բացատրությունների կապակցությամբ անպատասխան է մնում հետևյալ հարցը. եթե ամսագրի շապիկը հնարավորություն չի տվել ներառել աշխարհի բոլոր լեզուները, ապա ի՞նչ տրամաբանությամբ են բացառվել Թուրքիայում ազգային փոքրամասնություններ եղող վերոնշյալ լեզուները:
Akunq.net
Facebook