Թուրքիայի ամենահին գրատունը` Librairie de Pera-ն, աճուրդի կհանի 150 տարվա հնությամբ մի Ավետարան` գրված հայատառ քրդերենով:
Այդ մասին հաղորդում է թուրքական «Սթար» պարբերականը: Աղբյուրի փոխանցմամբ` «Հաբերթյուրք» լրատվամիջոցին հարցազրույց տված գրատան տնօրեն Ուղուր Փլաթերը Ավետարանի կապակցությամբ հայտնել է. «1857 թ. հայատառ քրդերենով գրված մի Ավետարան էլ աճուրդի կհանվի: Այն տարիներին հատկապես բողոքական միսիոներները հայատառ քրդերենով ավետարաններ էին հրատարակել` ուղղված քրդերով հոծ բնակեցված շրջաններում ապրող հայերին, որոնք թեև քրիստոնյա էին, սակայն հայերենից առավել քրդերենով էին հաղորդակցվում: 150 տարվա հնությամբ այս Ավետարանը աճուրդի կհանվի 2 հազար 500 թուրքական լիրայով»:
Akunq.net
Facebook