Թուրքիայի արտաքին գործերի նախարար Ահմեթ Դավութօղլուն հայտարարել է, որ Անկարան չեղյալ է հայտարարել բոլոր «պատժամիջոցները» Ֆրանսիայի դեմ, որոնք ընդունվել էին հունվար ամսին` կապված Ֆրանսիայի խորհրդարանի կողմից Հայոց ցեղասպանության ժխտումը քրեականացնող օրենքի ընդունման հետ:
Այս մասին տեղեկացնում է «Ակօս» պարբերականը:
Դավութօղլուն թուրքական հեռուստաընկերությունների եթերում հայտարարել է, որ Ֆրանսիայի նախագահ Ֆրանսուա Օլանդի ընտրվելուց հետո «նոր էջ է բացվել թուրք-ֆրանսիական հարաբերություններում»:
Նա նաև հավելել է, որ Թուրքիայի վարչապետ Թայիփ Էրդողանի և Ֆրանսիայի նախագահ Ֆրանսուա Օլանդի հանդիպումից հետո պաշտոնական Անկարան որոշել է չեղյալ հայտարարել Ֆրանսիայի դեմ ուղղված բոլոր պատժամիջոցներն ու արգելքները:
Նշենք, որ Թուրքիայի կիրառած պատժամիջոցները ներառում էին տնտեսական, ռազմական, քաղաքական ոլորտները:
Հիշեցնենք, որ Ֆրանսիայի խորհրդարանի կողմից ընդունված օրենքը չեղյալ հայտարարվեց Սահմանադրական խորհրդի կողմից` «Ֆրանսիայի Սահմանադրությանը չհամապատասխանելու» պատճառով:
Facebook