Ֆրանսիացի սենատոր, Կլամարի քաղաքապետ, Սոցիալիստական կուսակցության անդամ Ֆիլիպ Կալտենբախը հունիսի 13-ին Սենատում ընդունել է Ֆրանսիայում Հայաստանի դեսպան Վիգեն Չիթեչյանին: Այդ մասին սենատորը հաղորդել է իր կայքում:
Ֆիլիպ Կալտենբախը կրկնել է իր հավատարմությունը` Հայոց ցեղասպանության զոհերի հիշատակը ժխտումից զերծ պահելու գործին:
«Այդ ցանկությունը, որ կիսում է նաեւ հանրապետության նոր նախագահը, շուտով արտացոլվելու է Հայոց ցեղասպանության ժխտումը քրեականացնող նոր օրինագծի ներկայացմամբ»,- հավաստել է սենատորը:
Խոսելով միջխորհրդարանական կապերի մասին` Կալտենբախն ասել է. «Իմ գործընկերների հետ, որ բարեկամության խմբի անդամներ են, հաճույքով կընդունեմ նոյեմբերին Հայաստանի Ազգային ժողովի պատգամավորներին»:
Facebook