«Դռան թակոցը» շարունակում է իր երթը

Նյու Յորքում ծնված մրցանակակիր հեղինակ Մարգարիտ Աճեմյան-Աներտը հիացրել է Կոլումբիա համալսարանի (Նյու Յորք) դահլիճում հավաքված ներկաներին` կարդալով հատվածներ իր «Դռան թակոցը» («The Knock at the Door») հայտնի գրքից, որը պատմում է իր մոր` Եսթերի անհավանական թվացող` Եղեռնից փրկվելու իրադարձությունների ու պատահականությունների մասին: Նա նաեւ հիշել է, թե ինչպես հինգ տարի առաջ` գրքի առաջին ընթերցումների ժամանակ, հինգ թուրքեր փորձել են խանգարել հանդիպումը, ոստիկանության ու անվտանգության աշխատողների միջամտությամբ է, որ ամեն ինչ ընթացել է ըստ նախատեսվածի:

Գիրքն, ըստ վերոնշյալ տեղեկությունը հաղորդող «Արմինյն միրոր-սփեքթեյթր» շաբաթաթերթի, արդեն իսկ թարգմանվել է բազմաթիվ լեզուների` իսպաներենի, իտալերենի, լեհերենի, հայերենի, թուրքերենի եւ այլն:

Ներկայում հեղինակը մասնակցում է Նյու Յորքի գրքի տոնավաճառին: Օգոստոսին նախատեսվում է նրա այցելությունը Գլենդեյլ (Կալիֆոռնիա), իսկ սեպտեմբերին` Մոսկվա, որտեղ իր գրքի ռուսերեն թարգմանությունը ներկայացնելու է գրքի տոնավաճառում:

Հ. Ծ.

http://azg.am/AM/2012061522