Էնվերի նամակը` ուղղված թուրք փաշաներին և զինվորներին

Ներկայացնում ենք Հայոց ցեղասպանության գլխավոր կազմակերպիչներից և իրականացնողներից մեկի` Էնվեր փաշայի նամակը` ուղղված թուրք փաշաներին և զինվորներին.

«Փաշանե’ր և հերոսնե’ր,

Հանուն Օսմանյան կայսրության` ողջունում եմ հայրենիքիս հերոս զավակներիդ, որ իրականացնելով մեր ազգային նպատակը` հայրենիքը մաքրեցիք գյավուր հայերից: Անձամբ շրջել եմ արևելյան նահանգներում` Անատոլիայում, Արաբիայում և Միջագետքում. աչքովս եմ տեսել և վկայում եմ բոլորիդ հայրենանվեր ծառայությունը:

Ցավում եմ, որ շատ վայրերում կան որդեգրված կամ թրքացած 8-10 տարեկանից բարձր գյավուրների ողջ մնացած լակոտներ…

Մեր միակ նպատակն է գյավուր հայերի սերունդը իսպառ ջնջել երկրի երեսից: Նմուշի համար չթողնել նույնիսկ մի հատիկ հայ:

Սա պետք է լինի բոլորիդ նշանաբանը…

Ուստի բոլորիդ վրա պարտականություն եմ դնում. երբ վերադառնաք ձեր շրջանները, գործադրեք մի ճիգ ևս, որպեսզի աշխարհի երեսից ջնջեք հայերի ջիլը, քոքը չորացնեք և թախումը անհետացնեք:

Ամեն տեղ, ուր այցելեցի, տեսա, որ միջոցների միջև խտրություն չի դրված:

Ապրե’ք:

Քաղաքներ և գյուղեր տրված են կրակի, քանդված են անհավատների աղոթատեղիները. բնակչությունը լինելով տեղահանված ու կոտորված` օսմանյան հայրենիքը մաքրված է անօրեններից: Մեր միակ նպատակն էլ ուրիշ բան չէ, եթե ոչ երկիրը մաքրել այդ անհավատներից, Օսմանյան կայսրությունը դարձնել միաձույլ, միակրոն, միատարր, չենք հանդուրժի, որ մեր գլխի վերև կախվի Դամոկլյան սուր…

Այդ սուրը Օսմանյան կայսրության երկնակամարից հավիտենապես խորտակված է գյավուրների համայնական բնաջնջմամբ…

Փա’ռք, պատի’վ բոլորիդ…

Վեհափառ կայսեր (ի նկատի ունի տվյալ ժամանակաշրջանում Օսմանյան կայսրության սուլթանը եղած Մուհամմեդ 5-րդին-Ակունքի խմբ.) հավանությամբ և նախարարների խորհրդի որոշումով բոլոր նրանք, ովքեր իրենց հավատարմությունն են ապացուցել Օսմանյան ամենազոր կայսրությանը, վարձրատրվելու են պաշտոնների և աստիճանների բարձրացմամբ:

Այժմ ձեզ եմ դիմում` պատրաստվելու Հալեպի, Մոսուլի և մանավանդ Նիսեյպինի շրջակայքում գտնվող հայերի հաշիվները մաքրել վերջնականապես»:

Աղբյուրը` «Սեւ գիրք. նշանավոր օտարերկրացիները թուրքական ոճիրների եւ Հայոց ցեղասպանության մասին», Երևան, 2011, էջ 530-531:

Akunq.net

Leave a Reply

Your email address will not be published. Required fields are marked *