Քալիֆորնիոյ ծերակոյտն ու խորհրդարանը Ցեղասպանութեան հռչակագիր վաւերացուցին

ՍԱՔՐԱՄԵՆԹՕ.- Արեւմտեան Ամերիկայի Հայ Դատի յանձնախումբը կը տեղեկացնէ, թէ ամէն տարուան նման, այս տարի եւս Քալիֆորնիոյ մայրաքաղաք Սաքրամենթոյի մէջ Հայ Դատի գործիչներ եւ համակիրներ հանդիպումներու եւ ձեռնարկներու շարք մը իրականացուցած են Հինգշաբթի, Ապրիլ 19ին՝ Հայկական Ցեղասպանութեան 97րդ տարելիցը ոգեկոչելով:

Աւելի քան 200 գործիչներ մասնակցած են այս տարուան ձեռնարկներուն:

Քալիֆորնիոյ խորհրդարանը եւ Ծերակոյտը այս տարի եւս Հայկական Ցեղասպանութիւնը ճանչցող բանաձեւեր վաւերացուցած են միաձայնութեամբ, իսկ Թուրքիոյ կողմէ բռնագրաւուած հայկական եկեղեցիներուն ճակատագիրը լուսարձակի տակ դնելու համար, տեղի ունեցած է նաեւ «Արմինիըն Ուիքլի»ի խմբագիր Խաչիկ Մուրատեանի՝ Արեւմտահայաստան կատարած այցելութենէն լուսանկարներու ցուցադրութիւն:

Միւս կողմէ՝ Լաս Վեկասի քաղաքապետ Քերոլայն Կուտմըն հրապարակած է հռչակագիր մը, որ Ապրիլ 24, 2012ը կը հռչակէ «Հայկական Ցեղասպանութեան յիշատակման օր»՝ կոչ ընելով քաղաքի բնակիչներուն, որ յարգեն Հայկական Ցեղասպանութեան զոհերուն յիշատակը:

http://asbarez.com/arm/128198/

Leave a Reply

Your email address will not be published. Required fields are marked *