Ագուլիսի պատմական հուշարձանները ոչնչացվել են

Նախիջևանի Ագուլիսի եկեղեցիները ադրբեջանցիները հիմնահատակ ոչնչացրել են: Այսօր լրագրողների հետ հանդիպման ժամանակ հաղորդեց Հայկական ճարտարապետությունն ուսումնասիրող հիմնադրամի ղեկավար Սամվել Կարապետյանը:

Նա նաև նշեց, որ Նոր Ջուղան իրանական սահմանին մոտ է, և այնտեղ կատարված վայրագությունները հայկական գերեզմանաքարերի հետ հնարավոր է եղել տեսնել, սակայն ենթադրել են, որ նույն ճակատագրին են արժանացել Նախիջևանի խորքերում գտնվող մյուս հայկական հուշարձանները, և այդպես էլ եղել է:

«Մեր կասկածները հաստատվեցին: Ագուլիսի գրչօջախները, եկեղեցիները ընդհանրպես հողի երեսի ջնջված են` մի տեղ արտ է, մի տեղ նորակառույց դպրոց»,- տեղեկացրեց Ս. Կարապետյանը:

Ճարտարապետը համեմատելով Իրանի տարածքում պահպանվող հայկական, նաև քրիստոնեական հուշարձանների նկատմամբ Իրանի իշխանությունների վերաբերմունքը Ադրբեջանի տարածում գտնվող քրիստոնեական, մասնավորապես հայկական հուշարձանների նկատմամբ վերաբերմունքի հետ, շեշտեց, որ Ադրբեջանը ատելություն ունի քրիստոնեական եկեղեցիների հանդեպ, ի տարբերություն Իրանի, որը որդեգրել է մշակութապահպան կեցվածք:

http://www.aysor.am/am/news/2012/04/02/agulis/

 

Leave a Reply

Your email address will not be published. Required fields are marked *