Ստամբուլում աճուրդի կհանվեն Հրանտ Դինքի չհրապարակված լուսանկարները

Ստամբուլի Artium արվեստի տունը փետրվարի 23-ին ժամը 20-ին Sofa հյուրանոցում կազմակերպվելիք բաց աճուրդում կներկայացնի 2007 թ-ին թուրքական ազգայնամոլական շրջանակների կողմից դավադրաբար սպանված «Ակոս» թերթի հայազգի խմբագրապետ Հրանտ Դինքի` մինչ այժմ չհրատարակված երեք լուսանկարները:

Ինչպես հաղորդում է «Արմենպրես»-ը` վկայակոչելով CNNTurk հեռուստաալիքը, դրանք արվել են Բույուքադայում (Իշխանաց կղզիներից մեկը-Ակունքի խմբ.) Հրանտ Դինքի ձուկ որսալու ժամանակ: Լուսանկարներն արել է Մեհթեբ Յուջելը: Առաջին անգամ հանրությանը ներկայացվող այդ լուսանկարների յուրաքանչյուրի աճուրդի նախնական գինը սահմանվել է 1.500 թուրքական լիրա (մոտ 1000 դոլար):

http://armenpress.am/arm/news/680226/stambulum-atchurdi-khanvenhrant-dinqi-chhraparakvats.html