Թուրքիայում ձերբակալվել է Հայոց ցեղասպանությունը ճանաչած հրատարակիչը

Թուրքիայում ոստիկանությունը KCK-ի (Քուրդիստանի հասարակությունների միություն) գործի շրջանակներում ձերբակալել է «Բելգե» հրատարակչատան խմբագիր, իրավապաշտպան Ռագըփ Զարաքօլուին։

Fırat գործակալության փոխանցմամբ՝ Ռագըփ Զարաքօլուին ձերբակալել են հոկտեմբերի 28-ին Ստամբուլում քուրդ գործիչների դեմ սկսած զանգվածային որսի ժամանակ, երբ ձերբակալվել են 70 հոգի։

Ռագըփ Զարաքօլուի որդին՝ Դենիզ Զարաքօլուն, ձերբակալվել էր հոկտեմբերի 4-ին։

Նշենք, որ Ռագըփ Զարաքօլուն հայտնի իրավապաշտպան եւ հրատարակիչ է Թուրքիայում։ Նրա գլխավորած «Բելգե» հրատարկչատանը տպագրվել են Հայոց ցեղասպանության մասին բազմաթիվ գրքեր։ Զարաքօլուն 2011-ի գարնանը (ձմռանը` փետրվար ամսին-Ակունքի խմբ.) այցելել էր Հայաստան։

http://news.am/arm/news/79913.html